Lagjet e Tiranës janë zhytur në kaos për shkak të mungesës së parkimeve.
Banorët e një pallati pranë Pazarit të ri janë të shqetësuar për parkimin dhe kalimin në rrugën kryesore të mbushur me automjete, ku një mjet i parkuar në mes të rrugës i bën të pamundur ata të ngjiten në shtëpitë e tyre, veçanërisht kur përdorin karrocën e fëmijës.
Ata kanë provuar të kontaktojnë policinë dhe autoritetet bashkiake, por ende nuk kanë gjetur një zgjidhje. Ky mjet ka bllokuar kalimin e përditshëm, duke krijuar vështirësi dhe duke shkaktuar nervozizëm te banorët, të cilët janë të detyruar të kalojnë në kushte të pasigurta për t’u kthyer në shtëpitë e tyre.
Banorët shprehen se ky është një problem që përkeqësohet çdo ditë, pasi shteti dhe autoritetet lokale nuk po ndërmarrin asnjë veprim për të zgjidhur këtë situatë. Ata kërkojnë që të ndërhyhet urgjentisht për të siguruar që këto shqetësime të marrë fund dhe banorët të kenë mundësi të jetojnë pa frikë dhe pengesa.
“Jam banor i keti pallati dhe nuk po gjej dot se nga te ngjitem ne shtepi bashke me karrocen e femijes… marr policine rrugore ne tel… ja se do vime dhe nuk duket gjekundi… marr policine bashkiake.. i njejti muhabet… mire triçiklat qe po na marrin frymen e lloj lloj te bertiturash qe ne pike te mengjesit, por as shteti nuk po e ve fare ujin ne zjarr!!! Pazari i ri ku shiten mobiljet e vjetra. Situata eshte e tille: i zoti i keti fugoni ka marre me qera nje dyqan qe ndodhet anash rruges kryesore dhe dhe nje dalje te vogel nga mbrapa pallatit… i kemi thene qe ta largoje dhe na kthehet me gjuhe shum vulgare: kam dyqanin une ketu!! Po na bejme te kalojme ne vetgjygjesi po ca ti bejme se kemi femijet per te rritur… lloj lloj bixhozxhiu e lloj lloj llumi po na mblidhet ketu…Vend strehimin e kohes xhaxhit e kane kthyre ne nevojtore kta qe shesin ketu e na merr frika tju flasim se jane te pire e na kthehen me nje fjalor qe cte te them… dhe ta mendosh qe jemi vetem 5 min larg nga qendra e kryeqytetit Vetem ju mund tna ndihmoni duke i publikuar se i gjithe pazari i ri me tregtare e me klienta, ketu vine e parkojne se e ka ndare tiranen si syt e vet Erjon Veliaj me 4 zona dhe justifikohen me ate pullen qe ven ne xham… ne si banor duhet te gjejme parking diku gjetke se na e zejne bossat qe blejne shpia neper kullat e pazarit e skane lek me pagujt parkingun e makinave”, shkruan qytetari në deoncimin pë JOQ, teksa publikon fotografitë më poshtë:
