Italia qendrore është përfshirë nga moti i keq, ku rajonet e Toskanës dhe Umbrias janë goditur nga stuhi të fuqishme, reshje të dendura dhe mijëra rrufe.
Sipas mediave lokale, në vetëm 12 orë janë regjistruar rreth 27 mijë goditje rrufe, ndërsa në zonat e Firences, Pratos dhe Arezzos kanë rënë afro 4 mijë rrufe, duke shkaktuar rrëzimin e pemëve dhe ndërprerje të përkohshme të energjisë.
Në Gambassi Terme dhe Montespertoli, në provincën e Firences, janë regjistruar përkatësisht 61 mm dhe 60 mm shi në pak më shumë se një orë. Reshjet intensive kanë shkaktuar gjithashtu rrëshqitje dheu përgjatë rrugëve midis Torrettës dhe liqenit Sugano, si dhe në zonat La Cacciata dhe Torre San Severo.
Autoritetet lokale u kanë bërë thirrje qytetarëve të tregojnë kujdes në lëvizje dhe të ndjekin njoftimet e mbrojtjes civile.
