Një shqiptar është arrtestuar në territorin e Kroacisë, pasi ishte shpallur në kërkim ndërkombëtar nga Italia. Në pranga është vënë shtetasi shqiptar Arjan Toçi, 23 vjeç, banues në Peshkopi.
Lajmi është bërë me dije nga policia shqiptare, e cila përmes një komunikate për mediat, thotë se ka dhënë informacionin për këtë operacion, se ku ndodhej i riu nga Dibra.
“Ky shtetas ishte shpallur në kërkim ndërkombëtar në bazë të një urdhër-arresti të lëshuar nga Gjykata e Hetimeve Paraprake e L’Aquilas, Itali, për veprën penale “Trafikimi i lëndëve narkotike”, kryer në kuadër të një organizate kriminale, sipas parashikimeve të Kodit Penal italian.” – thuhet në njoftimin e Policisë.
