Ulet numri i azilkërkuesve në Shqipëri. Sipas të dhënave të Institutit të Statistikave (INSTAT) në vitin 2024, numri i kërkesave për azil në vendin tonë ka rënë me 157 aplikime më pak se sa vitin e kaluar.
Konkretisht gjatë vitit 2024 ka pasur gjithsej 104 kërkesa për azil, ndërsa në vitin 2023 janë regjistruar 261 azilkërkues. Gjatë vitit 2024, muajt me më shumë aplikime kanë qenë marsi, prilli dhe qershori të cilët përbëjnë 57.7 % të aplikimeve gjithsej.
Azilkërkuesit në Shqipëri sipas vendeve kryesore të origjinës:
1.Afganistani 27.9 %;
2.Siria 17.3 %;
3.Pakistani 10.6 %.
Sa azilkërkues e kanë fituar shtetësinë shqiptare?
Vihet re përsëri një trend rënës. Shifrat e INSTAT-it tregojnë se gjatë vitit të kaluar, kanë rezultuar 919 persona të cilët kanë fituar shtetësi shqiptare, duke shënuar ulje me 33.5 %, krahasuar me vitin 2023.
Po ashtu rënie ka patur dhe në numrin e atyre që kanë hequr dorë nga shtetësia shqiptare. Konkretisht, 472 persona kanë hequr dorë nga shtetësia shqiptare, duke shënuar një ulje me 45.7%, krahasuar me vitin 2023.
Origjina e azilkërkuesve që e kanë fituar shtetësinë shqiptare:
1.49.1 % janë me origjinë nga Kosova;
2. 13.8 % me origjinë nga Turqia;
2.6.2 % me origjinë nga Maqedonia e Veriut.
Një e dhënë interesante që vihet re është se gjatë vitit të kaluar, 33.4 % e personave që kanë fituar shtetësinë shqiptare dhe 41.3 % që kanë lënë shtetësinë shqiptare i përkasin grup-moshës 30-39 vjeç.
/Tv Klan
