Sali Berisha, gjatë një konference me gazetarët, ka sulmuar kryetarin e Komisionit të Ankesave dhe Sankioneve, Ilirjan Rusmali.
Berisha u shpreh se Rusmali ka qenë bashkëpunëtori i tij, por e ka shkarkuar për korrupsion dhe sipas tij, ai nuk ka as ligj dhe as moral. Lideri demokrat shtoi më tej se Rusmali i hiqte vota PD-së në Tiranë pa asnjë shkak ligjor, duke i shpallur të pavlefshme vota, vetëm se kishte dalë pak viza nga kuadrati.
“Ka një gjë, nëse vure re ti, si e gjetën mekanizmin në Tiranë, si e gjetën në Tiranë. Me një njeri që nuk ka ligj as moral, nuk ka. Ka qenë bashkëpunëtor i imi, por e kam shkarkuar për korrupsion Ilir Rusmajlin. Për atë e kam, i cili në urrejtje patologjike, që qëndron aty në kundërshtim me ligjin. Lexoni ligjin e Presidencës.
Ligji i presidencës thotë, këshilltari i Presidentit nuk mund të bëjë asnjë punë tjetër, përveç se këshilltar. Kurse ky njeri që nuk ka ligj e as moral, që është si vetja e veta, e ndonjë mik si ai, ky njeri pse dilte viza pak nga kuadrati, siç më kanë sjellë në zyrë me dhjetëra e dhjetëra, ky i quante të pavlerë. Ato ndryshime që keni parë në Tiranë ju, ato kanë ardhur krejtësisht në rastin e PD-së nga zhvlerësimi i votave të saj, pa asnjë shkak ligjor.” – tha Berisha.
