Një konflikt që rrezikonte të përshkallëzohej në dhunë të rëndë u parandalua në kohë në lagjen “Uji i Ftohtë” në Vlorë, ku një 36-vjeçar kërcënoi me thikë një tjetër qytetar pas një debati për motive të dobëta.
I ndaluari, shtetasi A. Ç., banues në lagjen “Osman Haxhiu”, rezultoi se kishte shkelur masën e sigurisë “arrest në shtëpi”, të vendosur nga Gjykata e Juridiksionit të Përgjithshëm Tiranë, për veprën penale “Vjedhja”.
Gjatë konfliktit, A. Ç. kanosi me armë të ftohtë (thikë) shtetasin A. M., 35 vjeç, banues në lagjen “Partizani”. Falë ndërhyrjes në kohë, u bë e mundur ndalimi i menjëhershëm i autorit, duke parandaluar pasoja më të rënda.
Ndaj 36-vjeçarit tashmë rëndojnë disa akuza, përfshirë: “Kanosja”, “Largimi i të burgosurit nga vendi i qëndrimit” dhe “Mbajtja pa leje e armëve të ftohta”.
Materialet e çështjes i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme.
