Tifozët e Lyon janë irrituar së tepërmi, pasi panë ekipin e tyre të dënohej me zbritje në Ligue 2, për shkak të parregullsive financiare dhe borxheve të mëdha.
Në këtë situatë, ata janë ngritur në protestë, duke pushtuar rrugët e qytetit. Protesta ka qenë kundër pronarit amerikan të klubit, John Textor, menaxhimi i të cilit e çoi skuadrën në prag të kolapsit.
Me banderola, pankarta dhe një sërë sloganesh të ashpra, tifozët kërkuan që Textor të largohej nga Lyon, për shkak të asaj që i ka shkaktuar ekipit të tyre.
Nouveau chant : « C’est un Américain qui ne sert à rien, l’OL n’est pas à toi, Textor casse-toi ! » #OL pic.twitter.com/FeqHBIiGkW
— Tonic Radio (@tonic_radio) June 28, 2025
“Ai është një amerikan, që nuk bën asgjë. Lyon nuk është i yti. Textor, zhduku!”, bërtisnin në kor tifozët e Lyon.
Klubi francez mund të shpëtojë nëpërmjet një apelimi që ka bërë, por situata nuk duket aspak e qetë.
