Një përplasje me armë zjarri është regjistruar pas mesnatës së kaluar tek rreth-rrotullimi i Golemit në Kavajë, ku ka mbetur i plagosur një person.
Burime bëjnë me dije se i plagosur ka mbetur 22-vjeçari Luiz Sheqi, i cili është dërguar me urgjencë në spital për të marrë ndihmë mjekësore. Raportohet se ai është plagosur në këmbë.
Autor i plagosjes dyshohet se është shtetasi Shpëtim Dedja, 36-vjeç i cili është arratisur pas krimit dhe është shpallur në kërkim. Burime bëjnë me dije se mes tyre ka patur edhe një komnflikt të mëparshëm.
Njoftimi
“Dyshohet se plagosi me armë zjarri 21-vjeçarin, Policia identifikon 36-vjeçarin dhe po punon për kapjen e tij.
Në orët e para të mëngjesit, në spitalin e Durrësit, është dërguar për mjekim, shtetasi L. Sh., 21 vjeç, banues në Durrës, me dëmtime në këmbë, të dyshuara të shkaktuara me armë zjarri. Ai po merr mjekim dhe është jashtë rrezikut për jetën.
Nga hetimet dyshohet se autori i plagosjes është shtetasi Sh. D., 36 vjeç, banues në Golem. Po punohet për kapjen e tij dhe për zbardhjen e rrethanave të rastit.”, njofton policia.
