Ambasadori i Rusisë në OKB, Vasily Nebenzya, u tha anëtarëve të Këshillit të Sigurimit se Shtetet e Bashkuara të Amerikës “kanë treguar edhe një herë përçmimin e plotë ndaj qëndrimit të komunitetit ndërkombëtar” me sulmet e tyre ndaj objekteve bërthamore në Iran.
“Ato janë të gatshme jo vetëm të mbyllin sytë para vrasjes së dhjetëra mijëra grave, fëmijëve dhe të moshuarve palestinezë, por edhe të luajnë kumar me sigurinë dhe mirëqenien e mbarë njerëzimit”, tha ai.
Sipas Nebenzya-s, përmes veprimeve në Iran, SHBA-të kanë hapur “një kuti të Pandorës”, për të cilën “askush nuk e di se çfarë fatkeqësie apo vuajtjeje të re mund të sjellë”.
Komentet e tij erdhën gjatë mbledhjes së Këshillit të Sigurimit të Organizatës së Kombeve të Bashkuara.
