Policia e Shkodrës, gjatë monitorimit ajror me dronë dhe patrullimeve në terren, kanë zbuluar dhe asgjësuar 5999 bimë dhe fidanë të dyshuar narkotikë cannabis sativa.
Policia ka proceduar penalisht për shpërdorim detyre dhe për moskallëzim krimi 2 roje të mjedisit dhe 5 kryetarë të fshatrave ku ishin kultivuar bimët dhe fidanët narkotikë.
Rastet konkrete:
Njësitë administrative Pult, Shalë dhe Shosh, Shkodër
Policia gjeti të kultivuara në disa zona dhe asgjësuan 688 bimë të dyshuara narkotike. Për këtë rast nisi procedimi në gjendje të lirë për shtetasit:
-L. A. dhe L. M., roje mjedisore, për shpërdorim detyre dhe për moskallëzim krimi;
-L. L., kryetar i fshatit Nëmavrriq, për shpërdorim detyre dhe për moskallëzim krimi;
-N. V., kryetar i fshatit Ndrejaj, për moskallëzim krimi.
Njësia administrative Temal, Vau i Dejës
Policia gjeti të kultivuara në disa zona dhe asgjësuan 5311 bimë dhe fidanë të dyshuar narkotikë. Për këto raste nisi procedimi në gjendje të lirë për shtetasit:
-Z. M., kryetar i fshatit Toplanë, për shpërdorim detyre;
-G. M., kryetar i fshatit Kishë-Arrë, për shpërdorim detyre;
-F. B., kryetar i fshatit Qerret, për shpërdorim detyre.
Gjithashtu, është shpallur në kërkim D. F., 32 vjeç, pasi Gjykata e Shkallës së Parë e Juridiksionit të Përgjithshëm Shkodër, me vendimin e datës 12.06.2025, i ka caktuar masën e sigurisë “Arrest në burg”, për veprën penale “Kultivimi i bimëve narkotike”, pasi nga hetimet dyshohet si autor i kultivimit të 2127 bimëve narkotike që u gjetën nga shërbimet e Policisë, më datë 24.04.2025, në fshatin Vigë-Mnelë.
“Vijon puna kapjen e shtetasit D. F. dhe për identifikimin, kapjen dhe ndjekjen penale të autorëve të rasteve të tjera të kultivimit të bimëve narkotike.”– njofton policia.
