Një 41-vjeçar është shpallur në kërkim nga policia e Vlorës, pasi dyshohet se goditi me armë në fytyrë një 40-vjeçar.
Blutë e qytetit bregdetar raportojnë se ngjarja ndodhi pas një sherri midis të dyve.
“Specialistët për Hetimin e Krimeve në Komisariatin e Policisë Vlorë referuan materialet në Prokurori dhe shpallën në kërkim shtetasin E. M., 41 vjeç (alias L. S.), banues në Vlorë, pasi më datë 17.06.2025, gjatë një konflikti për motive të dobëta, dyshohet se ka kanosur dhe ka goditur në fytyrë, me një send të fortë të dyshuar armë zjarri (pistoletë), shtetasin E. L., 40 vjeç, banues në Vlorë”, njoftoi sot policia.
