Kancelari gjerman Friedrich Merz ka shprehur mbështetjen e tij për Izraelin për sulmet ndaj Iranit, duke folur në margjinat e samitit të G7 në Kanada.
“Kjo është puna e ndyrë që Izraeli po bën për të gjithë ne. Ne jemi gjithashtu viktima të këtij regjimi. Ky regjim i mullahëve ka sjellë vdekje dhe shkatërrim në botë“, tha Merz në një intervistë me transmetuesin ZDF.
Duke folur për transmetuesin Welt, Merz tha gjithashtu se lidershipi në Teheran është dobësuar nga sulmet e Izraelit në ditët e fundit.
“Ky regjim është shumë i dobësuar dhe ndoshta nuk do të kthehet në forcën e tij të mëparshme, duke e bërë të pasigurt të ardhmen e vendit. Do të duhet të presim dhe të shohim“, tha ai, duke shtuar se oferta e evropianëve për ndihmë diplomatike, në rast se bisedimet rifillojnë, mbetet po aq e vlefshme sa para sulmeve.
Gjithashtu Merz tha se nëse lind një situatë e re, Gjermania, Franca dhe Mbretëria e Bashkuar do të jenë përsëri të gatshme të ofrojnë ndihmë diplomatike, siç bënë deri të enjten e kaluar.
