Ashtu siç e raportuar më herët, presidenti amerikan Donald Trump, përmes një postimi në rrjetin social “Truth”, bëri një deklaratë të bujshme ku paralajmëronte një paqe të afërt mes Izraelit dhe Irani, teksa jemi në ditën e tretë rresht ku dy vendet shkëmbejnë sulme me njëri-tjetrin.
Sipas presidentit të SHBA-ve, marrëveshja duhet të ndodhë njësoj siç veproi ai me Indinë dhe Pakistanin, teksa në të njëjtin postim përmend edhe raste të ngjashme kur ai në politikën e jashtme për të shuar konflikte.
Një prej tyre që përmend është dhe Kosova me Serbinë, ku Trump thotë se në mandatin e tij të parë, dy vendet ishin gati të shpërthenin një luftë me njëra-tjetrën, por e ndaloi duke ndërhyrë, teksa kritikon më pas paraardhësin e tij në Shtëpinë e Bardhë, Joe Biden.
“Irani dhe Izraeli duhet dhe do të arrijnë një marrëveshje, ashtu siç bëra unë me Indinë dhe Pakistanin, në atë rast duke përdorur tregtinë me Shtetet e Bashkuara për të sjellë arsye, kohezion dhe logjikë të shëndoshë në bisedime me dy udhëheqës të shkëlqyer që ishin në gjendje të merrnin një vendim shpejt dhe ta ndalonin atë.
Gjithashtu, gjatë mandatit tim të parë, Serbia dhe Kosova po kalonin situatë të nxehtë dhe të rëndë, siç kanë bërë për shumë dekada, dhe ky konflikt i gjatë ishte gati të shpërthente në luftë. Unë e ndala atë (Biden ka dëmtuar perspektivat afatgjata me disa vendime shumë të pamenduara, por unë do ta rregulloj përsëri!).
Një rast tjetër është Egjipti dhe Etiopia, dhe lufta e tyre për një digë masive që po ndikon në lumin e mrekullueshëm Nil. Ka paqe, të paktën tani për tani, për shkak të ndërhyrjes sime dhe kështu do të qëndrojë!
Po kështu, së shpejti do të kemi PAQE mes Izraelit dhe Iranit! Po bëhen shumë telefonata dhe takime tani. Unë bëj shumë dhe nuk marr kurrë merita për asgjë, por kjo është në rregull, njerëzit e kuptojnë.
BËJE LINDJEN E MESME SËRISH TË MADHE!”
