Ushtria amerikane ka ndihmuar në rrëzimin e raketave iraniane që po shkonin drejt Izraelit, thanë dy zyrtarë amerikanë për Reuters.
Zyrtarët, duke folur në kushte anonimiteti, nuk dhanë informacione të mëtejshme, duke përfshirë nëse operacionin mbrojtës e kryen avionë luftarakë apo anije luftarake.
Tre zyrtarë i kanë thënë rrjetit partner amerikan të Sky, NBC, se ushtria amerikane e ndihmoi Izraelin të rrëzonte disa raketa iraniane këtë mbrëmje.
Pentagoni ka zhvendosur një numër asetesh ushtarake në rajon ditët e fundit, raporton NBC, duke përfshirë edhe shkatërrues të Marinës.
Këto ishin pozicionuar pranë brigjeve izraelite, të gatshme për të ndihmuar në rrëzimin e sulmeve ajrore pasi Izraeli lëshoi raketa drejt Iranit në fillim të kësaj jave.
Korrespondenti amerikan i Sky, Mark Stone, thotë se ofrimi i kësaj ndihme nga SHBA-të “është plotësisht në përputhje me aleancën që kanë Izraeli dhe Shtetet e Bashkuara”.
“Jo deri në këtë masë, por kjo ka ndodhur më parë midis Izraelit dhe iranianëve”, thotë ai.
