Urdhri i Psikologut është jo funksional, me dërën e mbyllur jashtë shërbimit!
“Është e paparashikueshme sjellja e saj por prisja që të respektonte institucionin, ky është një institucion, është Urdhri i Psikologut, kjo nuk është shtëpia e zonjës Treska, më besoni që psikologët janë të irrrituar me zgjedhjen e saj” – thotë drejtuesja e sapozgjedhur Brunilda Laboviti
Psikologët po përballen në një situatë të pazakontë me konfliktin mes presidentes së re të dalë nga zgjedhjet e 5 qershorit, Brunilda Laboviti dhe kryetares së mëparshme, Valbona Treska që edhe pse pa qenë në garë dhe me mandat të përfunduar nuk dorëzon detyrën.
“Kam ardhur të di çfarë është bërë me votën time? Unë i kam pasur të dyja pedagoge, ne kemi qenë studentë dhe zonja Treska na ka mësuar se si të pranojmë humbjen, çdo gjë dhe tani nuk e kuptoj ç’po bën!
I harruan leksionet që na jepnin kur ishim student për të pranuar humbjen? Nuk janë bërë psikologët për psikologë, por zonja Treska duhet të ik!” – thotë dy psikologe.
Dera e mbyllur e Urdhrit të Psikologëve, teksa është thirrur mbledhja e këshillit kombëtar të vjetër të institucionit për të shqyrtuar vlefshmërinë e procesit zgjedhor, solli revoltën e Labovitit, më të votuarës si presidente, që deklaron se do të denoncojë në hallkat e gjyqësorit shkeljet.
“Jemi në një ditë pune, që do të thotë orari zyrtar mbaron në orën 4, që do të thotë të gjithë punonjësit e administratës paguhen nga çdo anëtar i Urdhrit të Psikologut dhe nuk duhet të shpërdorojnë detyrën.” – deklaron Brunilda Laboviti/TCH
