Gjykata Kushtetuese, i është përgjigjur akuzave të Edi Ramë, i cili e konsideroi si një lajthitje vendimin e vitit 2022 të Kushtetueses, e cila pranoi kërkesën e Unionit të Gjyqtarëve për rritjen e pagave, dhe sipas kreut të qeverisë, nëse kjo gjykatë pranon sërish kërkesën e gjyqtarëve për rritjen e pagave ky do të ishtë një abuzim madhor, shumëdimensional, që do të cënohej vetë Kushtetuta dhe serioziteti i Republikës së Shqipërisë.
Në një reagim për mediat, Gjyakata Kushtetuuese thotë se ajo është e pavarur në ushtrimin e funksionit të saj kushtetues dhe nuk ndikohet prej reagimeve të ekzekutivit në veprimtarinë ose vendimmarrjen e saj.
Sipas Gjykatës Kushtetuese, është e papranueshme çdo formë ndikimi, sikundër çdo përpjekje për të vënë në dyshim autoritetin dhe reputacionin e saj, pasi do të cenonte vetë parimet themelore të shtetit të së drejtës dhe atë të ndarjes dhe balancimit ndërmjet pushteteve.
Reagimi:
Duke marrë shkas nga qëndrime dhe reagime të publikuara së fundi në media dhe në rrjete sociale nga përfaqësues të pushteteve të tjera, përfshi atë ekzekutiv, si dhe të vetë medias, Gjykata Kushtetuese siguron publikun dhe palët në proces se ajo është e pavarur në ushtrimin e funksionit të saj kushtetues dhe nuk ndikohet prej tyre në veprimtarinë ose vendimmarrjen e saj.
Gjykata Kushtetuese gjen rastin të ritheksojë se vendimet e saj mund të jenë objekt kritikash, megjithatë është e papranueshme çdo formë ndikimi, sikundër çdo përpjekje për të vënë në dyshim autoritetin dhe reputacionin e saj, qoftë edhe në dukje, çka do të cenonte vetë parimet themelore të shtetit të së drejtës dhe atë të ndarjes dhe balancimit ndërmjet pushteteve.
Gjyqtarët kërkojnë rritje page/ Rama: Për herë të dytë brenda 3 viteve, një abuzim madhor!
