Gjatë seancës së sotme në GJKKO, Erion Alibej ka rrëfyer edhe kodet e tij në aplikacionet e enkriptuara, ku tha se në “Sky Ecc” përdorte kodin “Lizz” dhe “Kumi”, ndërsa në Encro Chat e ka patur “Noku”.
Në lidhje me vrasjen e Besmir dhe Viktor Haxhia, Alibej ka rrëfyer se e ka kryer për hakmarrje, pasi sipas tij, Besmir Haxhia ka marrë pjesë në tre atentate ndaj familjarëve të tij.
Ai tha se objektiv kishin që të vrisnin vetëm Besmir Haxhinë dhe Altin Ndoci, pasi ndodhej në makinë me ta, por sipas tij, ky i fundit shpëtoi, pasi kishte zbritur nga mjeti para se të kryhej atentati.
Erion Alibej: Për vrasjen e vëllezërve Haxhia i kam dhënë Nuredinit 2 kallashnikovë dhe 1 pistoletë me sa kujtoj, ça më kerkonte ja jepja. Armet ja dhash bashkë me makinën, plani ishte për të vrarë Altin Ndocin dhe Besmir Haxhinë, jo Viktorin. Doli shpejt ne tv lajmi që e mora vesh, që u gjet e braktisur Tojota. I thash Nuredinit pse kishte shenja gjaku në makinë. Më tha kemi gjuajtur me xhama mbyll dhe nga ciflat është lënduar në këmbë “kusho”. Pastaj u shoqërua “nipi” në polici dhe Nuredini më tha “më duket se ky po flet” dhe sa mora vesh që e kishte marrë vesh nga komshinjtë, nga “Miri i Pojës” që Nuredini e kishte mik. Viktor Haxhia ka qenë rastësisht aty. Në makinë ka qenë dhe Altin Ndoci, por ka zbritur rrugës, se ai ishte objektiv, ata nuk e kan ditur që ishte Viktori në makinë, kanë menduar se është Altin Ndoci.
Ai rrëfeu më tej se bënë plan që Altin Ndocin, pasi i shpëtoi atentatit të parë, ta vrisnin ditën e varrimit të vëllezërve Haxhia, por ai nuk kishte shkuar.
Erion Alibej: Diskutoja me Nuredinin për varrimin e vëllezerve Haxhia, pasi mund ta ekzekutonin Altin Ndocin edhe ditën e varrimit. Unë isha pro, por nuk u arrit pasi ai nuk shkoi në varrim.
Më tej, ai rrëfeu edhe për miqësinë e zgjeruar që kishte, deri lidhjet me efektivë policie dhe oficerë, duke përmendur edhe emrin e Bujar Gërmizit nga Kukësit, i cili është arrestuar nga SPAK. Po ashtu, rrëfeu edhe se Talo Çela qëndronte në banesën e vëllezërve Haxhia, ndërsa Nuredin Dumani tek banesa e vjerrës në Spille.
Erion Alibej: Kam pasur dhe një mik në Kukës, Bujar Gërmizin, i thashë Nuredinit ke nevojë për disa veshje si të OFL-së? Më tha po dhe nga Bujari mora disa veshje si të OFL-së, policisë dhe ja kam dhënë Nuredinit, jelek dhe kambale, me mbishkrimin OFL, janë bërë në Kosovë veshjet, un i mora në Kukës.
Pas vrasjes së vëllezërve mora vesh që Talo ksihte qëndruar tek shtepia e Haxhiajve, kur mësova në TV që Klevis Alla po nxirrte emra. Nuredini në këtë kohë u shkëput dhe bashkë me familjen e tij rrinte në Spille, tek vjehrra, ai s’e dinte nëse po flitej për të, pasi i shkoi dhe policia në banesë, por ai kishte ik, flisja gjithë kohës me të në Sky ECC.
Makinën “Toyota” ja kam blerë Alban Qerosit, kështu i thërrasin, ky rri në Bruksel, ka qenë shok dhe ortak i Endritit në narkotrafik, makinat ishin në Shijak, kishte 2 makina madje.
