Komisioni i Ankesave dhe Sanksioneve (KAS) ka mbyllur shqyrtimin e ankimimeve të Partisë Demokratike edhe për tre qarqe të tjera.
Bëhet fjalë për Qarkun e Korçës, Lezhës dhe Gjirokastrës, ku demokratët pretendonin për parregullsi dhe shkelje, teksa kërkonin shpalljen e pavlefshme të zgjedhjeve të 11 Majit dhe përsëritjen e procesit zgjedhor.
Por kërkesat e tyre janë rrëzuar, pasi sipas KAS, kërkesat nuk kishin bazë për të ndryshuar rezultatin dhe rrëzoi kërkesën për përsëritjen e zgjedhjeve në këto zona.
Më herët KAS ka rrëzuar edhe kërkesnën e PD-së për shpalljen e pavlefshme dhe përsëritjen e zgjedhjeve në Kukës.
