Janë zbardhur emrat e 9 të arrestuarve në Shqipëri, në kuadër të operacionit të koduar “PIETARI”, ku SPAK së bashku me autoritetet finlanedeze goditën një grup kriminal shqiptar të trafikut ndërkombëtar të lëndëve narkotike dhe sintetike.
Burime bëjnë me dije se dy prej “kokave” të grupit që janë arrestruar janë shtetasit Dorjan Luzaj, 51- vjeç dhe Geraldo Seferaj 30 vjeç, të dy lindur dha banues në Vlorë. Mes të arrestuarve është edhe një grua, 44 vjeçarja Kela Qevani.
EMRAT E 9 TË ARRESTUARVE
- Besnik Sparta (27.01.1985)
- Erind Teneqexhiu alias Erind Agalliu (07.02.1991)
- Altin Musta (07.06.1981)
- Kela Qevani (14.04.1981;
- Toni Kota alias Toni T. (15.10.1977)
- Geraldo Seferaj (05.07.1994;
- Elton Myftaraj, (29.05.1983)
- Ledion Hoxha, (09.01.1983)
- Dorjan Luzaj, (07.06.1983)
Burime bëjnë me dije se një tjetër trafikant me masë sigurie është dhe shtetasi Elton Tavani. Kujtojmë se dy të tjerë me masë sigurie “Arrest me burg” nga GJKKO nuk u arritën dot të arrestoheshin dhe janë shpallur në kërkim, ku një prej tyre rezulton se është larguar nga Shqipëri.
Sipas SPAK, ky grup kriminal, i organizuar dhe drejtuar nga shtetas shqiptarë, ka mundur të trafikojë në territorin e Finlandës, sasira të konsiderueshme lëndësh apo substancash narkotike me rrezikshmëri të lartë, përfshirë; kokainë, amfetaminë, kanabis, ekstazi dhe substanca të tjera psikotrope.
Droga trafikohej dhe transportohej nga Holanda dhe Spanja si dhe më pas dorëzohej, tregtohej, shpërndahej në disa qytete të Finlandës duke shfrytëzyar edhe një rrjet të mirëorganizuar shpërndarësish të lëndës/substancave narkotike, me qëllim sigurimin e të ardhurave të jashtëligjshme.
Episodet më të rëndësishme të dokumentuara gjatë viteve 2022-2024 përfshijnë:
- Trafikimin dhe më pas shitjen e rreth 400 kg amfetaminë, mbi 500 kg kanabis si dhe sasi të konsiderueshme kokaine.
- Shpërndarjen masive të tabletave ekstazi dhe substancave të tjera të ndaluara në Helsinki dhe qytete të tjerë.
