Policia e Tiranës ka arrestuar autorin e dyshuar të ngjarjes së regjistruar dy ditë më parë, ku u plagos me pistoletë-stilolaps (artizanale) kamarieri 15-vjeçar i picerisë “Fantazia” në rrugën “Ali Demi” në kryeqytet.
Burime për mediat bëjnë me dije se në pranga ësjtë vënë shtetasi Aldo Neziri, 21 vjeç, teksa vijon të jetë ende në kërkim administratori 24-vjeçar i picerisë ku ndodhi ngjarja, Leonardo Mejdani.
Kujotjmë se ngjarja ndodhi më 1 qershor në ambientet e picerisë “Fantazia”, ku Aldo Neziri, motoristit i picerisëqëlloi me armë zjarri pistoletë-stilolaps kamerierin 15-vjeçar, gjatë një konflikti për motive të dobëta.
Në lidhje me ngjarjen janë arrestuar edhe Ferit Basha, Andi Hyka dhe Keivin Bala, punonjës të picerisë, pasi ata kanë pastruar vendin e ngjarjes dhe kanë fshehur pamjet filmike që mund të zbardhnin ngjarjen.
15-vjeçari kishte rreth 2 javë që ishte punësuar në piceri, pasi ishte piceri e kushëririt e tij dhe kishte nisur punë për ta ndihmuar. Ndërkohë, nuk rezulton të ketë qenë i siguruar apo brenda rregullave të ligji të punës për shkak të moshës.
Njoftimi i Policisë:
Plagosi me armë atipike, për motive të dobëta 15-vjeçarin në një piceri te “Ali Demi” si rezultat i kontrolleve të pandërprera, bazuar edhe në inteligjencën policore, kapet dhe vihet në pranga nga Policia.
Dje u arrestuan edhe 3 punonjës të picerisë, pasi dyshohet se kanë pastruar vendin e ngjarjes dhe kanë hequr DVR-në e kamerës së sigurisë në piceri. Vijon puna për kapjen e administratorit të picerisë.
Specialistët për Hetimin e Krimeve të Komisariatit të Policisë Nr. 1, si rezultat i kontrolleve të pandërprera, bazuar në inteligjencën policore, kapën dhe ndaluan shtetasin A. N., 21 vjeç, banues në Tiranë.
Ndalimi i tij u bë pasi, më datë 01.06.2025, në një piceri te “Ali Demi”, gjatë një konflikti për motive të dobëta, plagosi me armë atipike një 15-vjeçar.
Materialet procedurale do t’i kalojnë Prokurorisë për veprime të mëtejshme, për veprat penale “Plagosje e rëndë me dashje” dhe “Prodhimi dhe mbajtja pa leje e armëve luftarake dhe e municionit”, në ngarkim të 21-vjeçarit.
