Policia e Kavajës ka arrestuar një person, i cili akuzohet për vjedhjen e disa banesave, në një periudhë 7 mujore.
Autoritetet policore raportojnë se në kuadër të operacionit të koduar “Seria” është vënë në pranga shtetasi Klisman Harumi, 33 vjeç, banues në Kavajë.
“Nga hetimet ka rezultuar se gjatë periudhës gusht 2024-shkurt 2025, ka vjedhur pajisje dhe sende në 3 banesa në Kavajë dhe në fshatin Synej. Në vijim të veprimeve procedurale u konstatua gjithashtu se shtetasi Klisman Harumi kishte në banesë, një sasi kanabisi.” – thuhet në njoftim.
Policia thotë se vijojnë hetimet për të zbardhur vjedhje të tjera që mund të ketë kryer 33-vjeçari. Materialet procedurale janë referuar në Prokurorinë e Durrësit për veprime të mëtejshme.
