Analisti Fatos Lubonja foli mbrëmjen e sotme lidhur me atë çka pritet të bëjë PD pas humbjes në zgjedhjet e 11 majit.
Lubonja theksoi se këto zgjedhje hodhën poshtë tezën se Rama fiton se ka Berishën përballë. Sipas tij narko-regjimi ka përpuar shumë, teksa ekuilibri i forcave në vend është prishur.
Duke parë rezultatin e 11 majit, Lubonja vë re se në votat e disa prej kandidatëve socialistë si Sara Mila apo Zegjine Çaushi, ka ndikim krimi.
“Janë dy gjëra që duhen ndara. Një gjë është kush fitoi dhe si fitoi, kush humbi dhe si humbi, dhe pastaj është përgjegjësia që mund të kenë aktorët për humbjen. Unë i ndaj këto të dyja në këtë. E hedh poshtë një tezë, që ka qarkulluar vazhdimisht dhe sipas mendimit tim e hodhën poshtë këto zgjedhje, se Rama fiton se ka Berishën përballë. E hedh poshtë këtë. Krahas me këtë tezë u dha me shifra se PS ka marrë të vetët.
PD-së i kanë ikur. Kjo nuk qëndron. Për shumë arsye, e kam thënë se këtu është një regjim që ka ecur përpara. Nuk është e njëjta gjë si në zgjedhjet me parë. Është prishur ekuilibri i forcave. Edi Rama ka marrë të gjitha pushtet. Rezultati i votës do shpjegohet me këtë. Një pjesë i ka thënë ODIHR. Është dhe një faktor, faktori se këtu është një narko regjim, pastrimi i parave të krimit i lidhur me këtë regjim, Sara Mila apo Zegjineja që nuk kanë marrë dhe për vete por edhe për partinë. Janë vota për partinë, kanë nxjerrë nga 3 deputetë në atë qytet. Janë votat e krimit.”
Lubonja shton se debati tanimë nuk duhet të jetë se çfarë duhet bërë në PD apo me Berishën. Sipas tij, edhe sikur të vijë më i miri nuk mund të fitojë përballë narko-shtetit. Debati për Lubonjën, tani e tutje duhet të jetë si do ja bëjmë me regjimin.
“Ideja që PS ka të vetët gjithmonë, që janë shtuar, kjo megjithë këto krime, skandale inceneratorët, që i dimë të gjithë, arrestimet me radhë, Veliaj në burg, këtyre i ngelkan të vetët sikur nuk jemi në demokraci. Vetëm te ne rrinë sikur të jenë me yll në ballë. Është një argument e rrejshme. Mirë Berisha paska të gjitha ato dhe nuk merr dot më shumë, por ky populli kushte alternativë të majta dhe të qendrës. Edhe atat nuk morën. Pse të ecim nga logjika që duhet të marrin vetëm nga PD-ja. Veliaj doli hajdut Ahmetaj doli hajdut. Ato parti qenkan formuar që të mos lenë Berishën të fitojë, apo janë formuar të sfidojnë Ramën. Nokës i kam thënë herën e fundit, mungesë sensi realiteti, u ndamë duke na thënë ne do fitojmë. Po humbe i thashë mos hajde, ai erdhi.
Debati nuk duhet të jetë PD-ja, duhet të jetë regjimi. Si do ja bëjmë të shpëtojmë? Akoma të themi e ka fajin PD-ja se fito Edi Rama. Nuk e ha njeri këtë. Më i miri të vijë këtu, aq më keq do luftohet. Nëse gara bëhet kush ka më shumë para dhe pushtet, ai merr më shumë votues, ka mbaruar gara.”, tha Lubonja në News 24.
