Shoqëria “IdentiTek” e prodhimit të dokumenteve të identitetit njoftoi sot se zyrat e aplikimit në bashkitë Tiranë, Vorë, Kamzë dhe Krujë do të jenë të mbyllura në datat 15 dhe 16 maj 2025.
Vendimi për mbylljen e zyrave të IdentiTek vjen për shkak të masave të marra nga Drejtoria e Përgjithshme e Policisë së Shtetit, lidhur me organizimin e samitit të Komunitetit Politik Europian dhe bllokimin e disa akseve rrugore.
Për këtë arsye, Identitek njofton se aplikimet për dokumente biometrike në këto bashki nuk do të jenë të mundura gjatë kësaj periudhe.
“Qytetarët që kanë nevojë urgjente për aplikim, mund të shfrytëzojnë datën 14 maj 2025”, thuhet në njoftim.
Po ashtu IdentiTek njofton se zyra e shpërndarjes së pasaportave pranë Drejtorisë së Policisë Tiranë do të jetë e hapur për tërheqjen e dokumenteve për qytetarët që kanë aplikuar deri më datë 5 maj 2025.
Në të gjitha bashkitë e tjera, aktiviteti i aplikimeve dhe tërheqjes së dokumenteve biometrike do të vijojë normalisht.
