Gazetari, Genc Burimi tha se të besosh se Edi Rama dëshiron zgjedhje të tilla, është njësoj sikur të besosh Putinin që kërkon paqe në Ukrainë.
Burimi theksoi se në mbledhjen që evropianët do të zhvillojnë në Tiranë do të marrin pjesë edhe vende të tjera që s’janë anëtare të BE-së, ku sipas tij, do të diskutohet vetëm për sigurinë e rajonit dhe jo për demokracinë.
“Kam dëgjuar zëra në mazhorancë që thonë që fajin e ka Berisha, e pamë seç bëhet ky mit. Pra Rama mund të hiqte dorë nga patronazhistët. Ideja është të besosh se Putini do paqe në Ukrainë është kaq utopike. Tani këtu kemi përballë politikane dhe këtu ngec. Se cila është zgjidhja? Pra OSBE-ODHIR të thotë që unë s’kam rolin e policit, pra i takon një shoqërie, të ngrejë mundësitë e veta për të larguar. Në Gjeorgji kemi parë që ngrihen, që manifestojnë, në Shqipëri nuk ndodh kjo. Sepse ose në shqiptarët nuk kanë gjak aktiv demokratik se të tjerët, apo se në Shqipëri ke një numër të lartë në administratë të punësuar dhe natyrisht mendojnë për bukën e gojës. Pra cila është zgjidhja, sot zgjidhja s’mund të vijë nga ndërkombëtarët, sepse ndërkombëtarët nga gjitha të këqijat që zgjedhjet shtrembërohen në Shqipëri do të bëjnë mbledhjen në 16 maj në Tiranë. Është mbledhje e sigurisë evropiane nuk është mbledhje e demokracisë evropiane, aty është i ftuar dhe Azerbajxhani, vetëm Bjellorusia dhe Rusia nuk është e ftuar. Midis të këqijave Rusisë dhe demokracisë për mendimin tim në BE, do të verë fatin e sigurisë së Evropës se të demokracisë.” tha Burimi per Syri tv.
