Gazetari Enton Abilekaj, i ftuar në emisionin “Të Paekspozuarit” në MCN TV, ka deklaruar se Komisioneri Shtetëror i Zgjedhjeve, Ilirjan Celibashi, tregoi në këtë proces zgjedhor se bën gjithçka për Edi Ramën.
Abilekaj e konsideroi skandal faktin që Celibashi nuk foli për faljen e gjobave nga qeveria.
“Celibashi tregoi se për nevojat e Edi Ramës ai është gati të bëjë gjithcka. Rama fali gjobat, është akti i ndaluar kategorikisht. Celibashi nuk foli asnjë fjalë. E kërkuan anëtarët e PD dhe Celibashi bënte të paditurin. Ai nuk di të shpjegojë se si dokumentat e KQZ u gjendën në duart e njerëzve që nuk duhet ti kishin.
Kodi Zgjedhor ndalon katër muaj para, çdo akt të qeverisë, që lidhet me tendera, falje gjobash, shpërblime, kategorikisht. Celibashi mbajti në çdo rast qëndrim partiak, ashtu si policia mbajti sot qëndrime partiake. E patë rastin e Petro Ninit? Gjashtë herë u njoftua policia dhe nuk vajti”, tha Abilekaj.
