Kompania e lobimit “Continental Strategy”, e cila ka lidhur kontratën 6 milionë dollarëshe me Partine Demokratike për të lobuar pranë qeverisë amerikane, ka bërë dy kërkesa në emër të Sali Berishës në Departamentin Amerikan të Shtetit për të pajisur me vizë hyrësë për në SHBA liderin demokrat.
Kjo vërtetohet nga dokumentet zyrtare të depozituar në departamentin FARA, një detyrim ky ndaj lobistëve në SHBA.
Kërkesa e parë është dërgua më 28 Mars, 13 ditë përpara nisjes zyrtare të fushatës zgjedhore për zgjedhjet parlamentare të 11 Majit.
Shkresa është firmosur nga përfaqësues të disa shoqatave shqiptaro amerikane dhe i kërkohet sekretarit amerikan të shtetit Marco Rubio të pajisë me një vizë njëkalimshme afatshkurtër Sali Berishen, me qëllimin për t’u takuar me diasporën shqiptare në SHBA.
“Ne jemi të nderuar të dërgojmë këtë kërkesë formale për të lëshuar një vizë hyrje-dalje për Profesor Doktor Sali Berishën kreun e PD-s në Shqipëri për të vizituar Shtet e Bashkuara të Amerikës. Doktor Berisha është ftuar nga organizatat tona për tu takuar me komunitetin Shiptaro Amerikan në Shtet e Bashkuara” – thuhet në shkresën e depozituar në FARA.
Duket se kjo kërkesë nuk ka marrë një përgjigje dhe kompania lobuese “Continental PLLC”, studio ligjore e lidhur me “Continental Strategy”, ka dërguar një letër të dytë në emër të Partisë Demokratike në datën 1 Maj.
“Revokimi heqja mund të ndodhë përmes një rishikimi të brendshëm, rikonsiderim politik apo ndryshim i politikave të administratës. Personi i sanksionuar apo avokatët e tij mund ta kundërshtojnë tek Sekretari i Shtetit përmes përcjelljes së shqetësimit apo lobimit për revokimin” – thuhet në letrën e dytë.
Konteksti i kërkesës është përsëri një thirrje që sekretari amerikan i shtetit Marco Rubio të heqë sanksionet ndaj Sali Berishës.
Njoftimi i gazetarit amerikan për heqjen e “non grata-s”
Pak ditë më parë, gazetari amerikan Marc Caputo njoftoi përmes një postimi në llogarinë e tij në platformën “X” se Departamenti Amerikan i Shtetit ka lejuar Sali Berishën të udhëtojë për në SHBA.
“E pyeta Departamentin e Shtetit për statusin e vizës së Berishës dhe më thanë se ai mund të vijë në SHBA” – shkruante gazetari që publikon edhe përgjigjen e DASH.
“Ne japim rregullisht përjashtime për të lehtësuar udhëtimin e individëve të caktuar në SHBA, në përputhje me detyrimet ndërkombëtare dhe interesat tona kombëtare. Si e tillë, ne nuk do të lejojmë që interesat tona të politikës së jashtme apo marrëdhëniet me Shqipërinë të mbahen peng nga vendime të politizuara të epokës së Biden-it” – thuhej në reagimin e Departamentit Amerikan të Shtetit dërguar për gazetari.
Gjithsesi, deri më sot ende nuk ka një vendim nga Departamenti Amerikan i Shtetit, nëse Sali Berisha do të lejohet të udhëtojë përsëri për në SHBA apo jo. I pyetur mbi këtë njoftim të gazetarit amerikan, Sali Berisha është përgjigjur se heqja e “non grata-s” së tij nga DASH është çështje burokratike.
Sali Berisha dhe statusi “non grata”
Në maj 2021, Departamenti Amerikan i Shtetit shpalli Sali Berishën dhe familjen e tij “persona non grata”, duke e akuzuar për përfshirje në korrupsion të rëndësishëm dhe pengim të drejtësisë . Ky vendim u bazua në nenin 7031(c) të Aktit të Përvetësimeve të Departamentit të Shtetit, i cili ndalon hyrjen në SHBA të individëve të përfshirë në korrupsion të rëndësishëm ose shkelje të rënda të të drejtave të njeriut .
Berisha ka mohuar akuzat dhe ka deklaruar se ato janë të motivuara politikisht, duke akuzuar filantropin George Soros për përhapjen e këtyre pretendimeve. Ai ka ndërmarrë hapa ligjorë kundër Sekretarit të Shtetit Antony Blinken për shpifje dhe ka shprehur synimin për të lobuar pranë administratës Trump për të rishikuar këtë vendim.
Ndihma nga Chris LaCivita dhe fushata “Make Albania Great Again”
Në një zhvillim të rëndësishëm, Chris LaCivita, menaxheri i fushatës së Donald Trump, është angazhuar për të ndihmuar Partinë Demokratike të Shqipërisë në zgjedhjet e ardhshme parlamentare të 11 majit. Ai ka përdorur sloganin “Make Albania Great Again”, duke e krahasuar Berishën me Trump dhe duke e portretizuar atë si një figurë të persekutuar politikisht nga qeveria aktuale .
LaCivita ka deklaruar se nuk do të lobojë për heqjen e statusit “non grata” të Berishës, por ka theksuar se fushata e tij është një zgjerim i ndihmës që i ka ofruar Trump-it, duke synuar të ndihmojë opozitën shqiptare në përballjen me qeverinë aktuale .
Përjashtimet e mundshme për vizën amerikane
Pavarësisht shpalljes “non grata”, Departamenti Amerikan i Shtetit ka mundësinë të japë përjashtime për individë të caktuar për të udhëtuar në SHBA, në përputhje me interesat kombëtare dhe detyrimet ndërkombëtare. Avokati shqiptaro-amerikan Peter Lumaj ka theksuar se është e mundur që Berisha të marrë një përjashtim të tillë, veçanërisht nëse konsiderohet se nuk paraqet rrezik për SHBA.
Situata politike në Shqipëri është komplekse dhe e ndikuar nga faktorë të brendshëm dhe të jashtëm. Ndërhyrjet ndërkombëtare, veçanërisht nga SHBA, dhe zhvillimet e fundit rreth Sali Berishës dhe Partisë Demokratike, pritet të kenë një ndikim të rëndësishëm në zgjedhjet e ardhshme parlamentare dhe në drejtimin e ardhshëm të vendit.
