Gazetari Genc Burimi u shpreh se, vendimi i DASH për lejimin e vizitës në SHBA për Sali Berishën, është një fitore personale e kryedemokratit.
Burimi, gjatë një interviste televizive u shpreh se, kjo Amerikë nuk do të njohë zgjedhje të vjedhura nga Edi Rama.
Sipas gazetarit, reagimi i sotëm i SHBA-së është një mesazh për Altin Dumanin, që nëse nuk vepron do të ketë karton të kuq.
“Është një fitore fantastike, hollivudiane, personale e Sali Berishës. Imagjinoni shumë veta në gjendje e tij, i tradhëtuar nga numri 1 i partisë në moshën e tij, pak a shumë dhe në një pension politik, askush nuk e besonte.
U duhet mësuar fëmijëve në shkolla, kjo histori e Berishës, historia e vetëbesimit në vetvete.
Është një fitore e jashtëzakonshme, personale.
Berisha sot i ngjan feniksit, që ngjallej nga hiri i flakëve të ndezur nga xhelatët. Një zog me një jashtëgjatësi të jashtëzakoshme, ky është sot Sali Berisha.
Është falë tij, por me pasoja të jashtëzakonshme për vendin dhe rajonin.
Edhe njëherë amerikamnët po tregojnë që nuk luhet më gjeopolitika, por politika e brendshme, demokracia. Është leksion edhe për Serbinë dhe vende të tjera të rajonit.
Kam qenë pesimist kohët e fundit, sepse për mua ka një lidhje organike mes Ramës dhe Dumanit, por fakti se ky lajm del sot, para zgjedhjeve, le ti vjedhin zgjedhjet, kjo Amerikë nuk do i njohë.
Këtë Ramë si ish-kryeministër e pret fati i ish-kryeministrit të Bosnjes.
Tre ditë para zgjedhjeve të dalë ky lajm sot, është lajm për Dumanin. Uashingtoni i thotë Dumanit, ose do të veprosh ti, ose do të veprojmë ne.
Nëse PD-ja i fiton këto zgjedhje do të ishte fare e natyrshme sepse me këto 3 mandate të konsumuara të Ramës, largim të madh të shqiptarëve nuk do të ishte habi që të kishte një rotacion.
Por nëse fiton prap Rama, unë jam i bindur se amerikanët do të nxjerrin karton të kuq ndaj Dumanit’, tha ndër të tjera, Genc Burimi në SYRI TV.
