Kreu i PD-së Sali Berisha, gjatë takimit përmbyllës të fushatës në Shkodër, është zotuar para qytetarëve duke u thënë se “do të kthejmë paratë te ju”.
Berisha hodhi akuza ndaj kryeministrit Rama duke thënë se fyen qytetarët nësoj si diktatori i Venezuelës, ndërsa kërkoi që më 11 maj të ndëshkohet me votë.
“Paratë i marrin nga rrogat tuaja, i vënë në rrugë të gjitha për t’u vjedhur. Ndërton saraje dy herë më të mëdha se Enver Hoxha, kopshte katër herë më të mëdha, del dhe flet për çyrykë, autikë, duke fyer. Ja them këtu sot, atë e bën vetëm Maduro, diktatori i Venezuelës e ka në fjalor atë term.
Kjo ishte fushata e tij, fushata e njeriut që qeverisë nënë 12 vjet. Ky meriton ndëshkimin më të madh.
Do rikthejmë paratë te ju, do vendosim minimumin jetik 200 euro, pagën minimale 500 euro, kartën e konsumatorit për pensionistët dhe rrogë ulëtit. Do vendosim listën e rimbursimit të ilaçeve të Italisë. Për çdo biznes të vogël, energjia do të jetë 6 lekë. Hapësira publike do jetë 5 herë më lirë se sot, tarifa e ujit do të përgjysmohet”, tha Berisha.
