Ish-ambasadori Agim Nesho e cilësoi si një fitore të madhe për demokracinë heqjen e non grates ndaj Sali Berishës.
Sipas tij, kjo përbën një reflektim të politikës së jashtme amerikane dhe një korrigjim të qartë nga Departamenti i Shtetit.
Ai theksoi se çështja është de facto e përfunduar dhe se burokratët amerikanë tashmë i kanë lënë drejtësisë barrën për të provuar të kundërtën.
“Heqja e non grates së Berishës është një fitore e madhe edhe për demokracinë, kemi 2 momente kryesore, mendoj që kanë një reflektim edhe ndaj një politike të jashtme, vetë Departamenti i Shtetit, por ishin 2 faktorë nga informacionet që vijnë edhe nga qarqet gazetareske amerikane, të cilat e përshpejtuan edhe dhënien e një mesazhi më përpara.
Domethënë, Shtetet e Bashkuara të Amerikës, dhe për ata skeptikë, ose për ata që hiqen sikur janë skeptikë, për arsye sepse janë brenda rolit të tyre, që nuk e besojnë që tashmë çështja e non grates është përfundimtare për zotin Sali Berisha, është de facto e mbaruar, prandaj e kanë ndërmarrë një veprim të tillë, por sigurisht kjo është një proces që kërkon kohën e tij, kërkon përgjegjësinë për ata sepse ju duhet ta keni parasysh se burokratët në Departamentin e Shtetit në atë kohë kanë thënë: ne e bëmë punën tonë, të vijë drejtësia tani të na e provojë këtë që kemi thënë ne.
Domethënë brenda një projekti të sponsorizuar nga Sama dhe njerëzit e tij…
Në këtë moment ky është një vetëkorrigjim i Departamentit të Shtetit për një politikë e cila dukej hapur se kishte mbetur në kërcënimin e Yuri Kim, të një ambasadore e cila kishte një mision të caktuar, të kompromentuar në këto raste, dhe Departamenti i Shtetit duhet të sillte atë që Shtëpia e Bardhë deri tani ka thënë: popujt kanë të drejtë të zgjedhin liderët e tyre.
Nuk ka rëndësi fare se kujt gazetari ja dhanë, ai është një nga gazetarët kryesorë të platformës më të rëndësishme që ka në Shtetet e Bashkuara të Amerikës.
Së dyti dua të them që kjo është një fitore e moralit, e drejtësisë, ndaj padrejtësive, domethënë ka një cikël, mund të manipulosh, mund të mbash pushtetin tënd, mund të hiqesh si pilivan edhe si kameleon, por ti nuk mund të shkosh pafundësisht në këtë mënyrë.
Dhe kjo tregon se Departamenti i Shtetit me frazën e fundit që tha, është një nga frazat më të forta që i ka bërë një regjimi, dhe pikërisht ky regjim, duket që është në grahmat e fundit të tij.
Ky është një moment historik sepse nuk është vetëm nga ana morale që fitoi Sali Berisha, është sigurisht, e fitoi një betejë dhe për këtë duhet vlerësuar.
Unë insistoj këtu se jemi përpara zgjedhjeve, kemi një shans historik në mbrojtje të demokracisë shqiptare dhe të ardhmes së fëmijëve dhe mbrojtjes së interesave kombëtare.
Është një moment që Amerika, duhet ta shikoni mesazhin, është tepër i madh.
Është shumë e rëndësishme, prononcimi kur të vijë, do të vijë sepse do të bëhet edhe analiza, si ka arritur gjithë kjo skemë korruptive, si është e mundur që këta burokratë amerikanë kanë anashkaluar interesat e Shteteve të Bashkuara të Amerikës, të vihen në funksion që atyre njerëzve që kanë kompromentuar McGonigal, që kanë kompromentuar demokracinë amerikane, si mund të bëhen këto vegla për të prishur marrëdhëniet.
Duhet të kemi parasysh që tashmë është momenti që në këto zgjedhje duhet të fokusohemi në diçka që është shumë e rëndësishme për vendin tonë“, tha Nesho në News24.
