Teksa na ndajnë pak ditë nga zgjedhjet e 11 Majit, gazetari Enton Abilekaj ka folur për pushtetin e kryeministrit Edi Rama.
Abilekaj u shpreh se kryeministri Edi Rama po ndjek një politikë ekonomike që po largon nga Shqipëria trurin, mjekët dhe mësuesit.
Ai theksoi gjithashtu se çdo njeri që nuk ka besnikëri politike dhe ekonomike ndaj Ramës, duhet të largohet nga vendi.
“Rama tha se nëse dikush do t’i rrisë biznesin më shumë se 15%, ata mund të largohen nga Shqipëria. Rama ka zgjedhur të largohet nga Shqipëria shtresa e mesme. Çdo njeri që është i lirë dhe nuk varet nga arat e Edi Ramës, duhet të largohet nga Shqipëria. Çdo njeri që nuk ka besnikëri politike dhe ekonomike ndaj Edi Ramës, duhet të largohet nga Shqipëria. Me këtë politikë ekonomike, ai ka arritur të largoje nga Shqipëria trurin, mjekët, mësuesit, dhe ka lënë këtu vetëm klientët e tij, biznesmenët dhe punëtorët e emëruar, të cilëve ua kontrollon votën çdo dy ose katër vjet.
Kjo që përfaqëson Edi Rama sot nuk është as e majtë, as e djathtë; kjo është një bandidokraci. Veprimtaritë që mbajnë këtë pushtet janë të paligjshme, sepse kanë të bëjnë me krimin. Shteti, kur përdoret si armë kundër opozitës, nuk është më shtet i ligjshëm.”
