Drejtuesja politike e PD për Sarandën, Ina Zhupa, ka denoncuar situatën e rënduar të Ksamilit, destinacioni turistik i njohur i jugut të Shqipërisë, duke e cilësuar atë një “kosh plehrash” për turistët.
Në një postim në rrjetet sociale, Zhupa theksoi se plazhet e Ksamilit, të cilat janë të famshme për bukurinë e tyre, janë të mbushura me plehra dhe mbeturina. Sipas saj, kjo situatë është një pamje turpi dhe një shembull i keqmenaxhimit të turizmit nga autoritetet.
“Ja dhe gjendja e Ksamilit turistik! Këto janë të gjitha masive plehrash që vazhdojnë. Dhe kjo është parapërgatitja, jemi në muajin Maj, për një Ksamil turistik ku siç quhet ndryshe Maldivet e Europës.
Në fakt është kthyer në një kosh plehrash për të gjithë turistët. Kjo është një pamje turpi dhe keqmenaxhimi. Kjo është ajo që merreni me Edi Ramën! Zgjidhni ndryshimin!
VOTONI NUMRIN 1!”, shkruan Ina Zhupa, teksa publikon videon më poshtë:
