Edi Rama ka mbajtur këtë të hënë mitingun përmbyllës në Korçë, ku fjalën e tij e ka nisur me Ilir Vrenozin, personazhin e rrjeteve sociale, për të cilinka kërkuar ndjesë, duke pretenduar se e ka përkëdhelur në kohën e gabuar, teksa momentin e tij në mitingun e PD e ka konsideruar si një shfaqje porno politike.
Më tej, ashtu si në mitingun e kaluar, Rama ka sulmuar kandidatin nga lista e hapur e PD-së, Fidel Krekën, që sipas tij, ku tha se i kishte treguar Niko Peleshi një video dhe se nuk e besonte që ai ishte kandidat për deputet.
Më tej Rama tha se fitoren aritmetike as që e diskutojnë në 11 Maj, por kërkojnë një shumicë në Kuvend që do të marrë vendim historike.
Edi Rama: E filloj me një ndjesë për të gjithë ju që e përkëdhela Ilir Vrenozin në momentin e gabuar. U fry dhe u bë protagonisti i një shfaqje porno politike në pallatin e Sportit. Ku besoj se këneta i dha gjithë korçarëve pse duhet tharë dhe nuk duhet votuar më kurrë nga Korça.
Se më tregoi Nikua një video të një deputeti këtu të kënetës që ishte një gjë e pabesueshme. Në një kafe ku ishin vetëm burra, nuk kishte asnjë grua dhe ky deputeti bënte uuu uuu, ata çoheshin thonin ‘bravo”. Ky uuu uuu uuu, ata “bravo”. Dhe nuk e besoja dot që ky ishte deputet. Domethënë, në 1293 Korça zgjodhi Fan Nolin, në 2025, këneta thotë zgjidh Fidelin. Uuu uuu uu dhe kur bënte uuu, i fryheshin mëngët. E pabesueshme. Më vjen keq se ka dhe emrin e një shoku tim. Skandal, e tmerrshme. Shikoni çfarë kontrasti, e patë si nisi takimi këtu me mandolina dhe kitara, dhe e tërë Korça e pa çfarë ndodhi në Pallatin e Sporti, një shfaqje e lemerishme, antievropiane, antikorçare.
Ata që janë të mërzitur me Nikon dhe që janë fare të pakënaqur me mua, janë krejt të paorientuar që të vijnë drejt nesh, duhet t’i dëgjojnë ca fjalë nga unë sot, jo për t’u bërë me mua e Nikon, por për t’u lemerisur nga ajo kënetë e për të menduar se çfarë është vota e 11 majit. Nuk është shumicë aritmetike për krijimin e PS më 11 maj, nuk e them për mendjemadhësi, nuk e diskutojmë fare! Këtu fjala është për të krijuar shumicë shqiptarë shpirtërore si banorë të Europës së Bashkuar dhe Ballkanit të Europës, për të parë se çfarë peshe ka ajo. Nuk është një votë e thjeshtë, për shumicë apo pakicë se kush janë, por ka brenda vendimin historik. Sepse për herë të parë, që kurse ra muri i izolimit, Europa na ka hapur derën dhe ne jemi të pragu gati për ta kapërcyer. Ajo derë nuk ka qenë asnjëherë e hapur, ajo ka qenë shtëpi e të pasurve që s’rri hapur gjithmonë, e të varfërve po rri e hapur gjithmonë. Dhe ajo derë hapet vetëm kur ata duan, të 27, kur kanë interesin e tyre ta hapin. Të mos e lëmë fatin e Shqipërisë në dorën e Ilir Vrenozit, kënetës dhe atij kandidatit tjetër që bën uuu-uuuu.
