Ish e dashura e djalit të Rrahman Rrajës, Xhisiela Maloku ka marrë sërish vëmendje e mediave.
Ditën e sotme Maloku u paraqit në Prokurorinë e Posaçme e shoqëruar me një tjetër vajzë. Kjo nuk është hera e parë që Maloku paraqitet në SPAK, pasi u paraqit dhe javën e kaluar.
Ende nuk dihen arsyet e thirrjes së saj dhe në çfarë cilësie po jep deklarime.
Xhisiela Maloku u bë e njohur pas lidhjes me Rexhep Rrajën. Historia e tyre pushtoi të gjitha mediet kombëtare pasi më 21 korrik 2018, në komisariatin nr. 3, denoncoi për përndjekje ish-të dashurin Rexhep Rraja.
Në atë periudhë sipas saj, edhe pse kishin një vit të ndarë, ajo ishte rrahur e dhunuar disa herë. Ajo shkonte në disa komisariate, por nuk e çonte cështjen deri në fund. Ishte ish oficeri i Policisë Emiljano Nuho ai që tha se e reja nuk arrinte të kryente kallëzimin pasi kërcënohej me jetë nga ish i dashuri dhe të afërmit e tij.
Pas denoncimeve në komisariatin numër tre dhe atë të Fushë Krujës, Xhisiela Maloku ndryshoi qëndrim duke thënë se problemet me Rexhepin do t’i zgjidhte vetë dhe gjithçka e kishte bërë nga xhelozia se Rexhepi e kishte lënë për një vajzë tjetër. Rrahja u ndëshkua vetëm me një vit shërbim prove, kurse oficeri u arratis.
