Një ngjarje e ndodhur në ambientet e kopshtit numër 11 në qytetin e Korçës ka përfshirë një fëmijë 4-vjeçar, i cili është rrëzuar teksa ndodhej në shkallët e godinës.
Menjëherë pas incidentit, i mituri është dërguar në Spitalin Rajonal të Korçës për ndihmë mjekësore.
Burime nga spitali bëjnë me dije se gjendja shëndetësore e fëmijës është jashtë rrezikut për jetën, ndërsa ai po merr trajtimin e nevojshëm mjekësor.
Ndërkohë, policia ka nisur hetimet për të zbardhur rrethanat e ngjarjes dhe për të përcaktuar nëse ka pasur mungesë të masave të sigurisë në institucionin parashkollor.
