Kreu i PD-së Sali Berisha ishte sot në Dibër për takimin elektoral në prag të zgjedhjeve të 11 majit, teksa kemi hyrë në javën e fundit të fushatës.
Berisha ftoi qytetarët të votojnë PD-në të dielën në një moment historik për Shqipërinë.
Sakaq, ai shton se Rama në 12 vjet vetëm vodhi shqiptarët me një grush hajdutësh, teksa përdori sipas tij armët më të egra për të dëbuar shqiptarët.
“Çdo shqiptar më 11 maj takohet me historitë. Më 11 maj merr vendimin e tij solemn për të ndarë Shqipërinë nga diktatura, krimit, drogës dhe mjerimit të shqiptarëve. Për të ndal kombin nga një rrokullisje që nuk e ka njohur në shekuj. Fatbardha mësuesja e nderuar, Edi Rama e la shkollën në Dibër pa fëmijë, shtëpinë bosh. Do shtoja me dhimbje dhe djepin bosh.
Kurrë ndonjëherë si komb, asnjë luftë, asnjë sakrificë. Po vija nga Mati, një matjane e zonja, e aftë e shkolluar mirë njoftoi se Mati vitin që kaloi kishte 13 lindje. Erseka në një vit pati 1 lindje. Kurrë nuk jemi zbrasur në këtë mënyrë. 12 vite lëvizjen e lirë, këtë të drejtë madhore të çdo qytetari Edi Rama e përdori për të përzënë shqiptarët nga Shqipëria. Përdori armët më të egra, varfërinë, mjerimin, pamundësinë, skamjen për të boshatisur Dibrën, Matin dhe Shqipërinë. Për 12 vite, kur erdhi në pushtet shqiptarët, dibranët shtoheshin, pensionet rriteshin.
Bizneset, fermat zgjeroheshin. Shqiptarëve u ecte shpresa për një ditë gjithnjë e më të mirë. Rama u vrau shpresën shqiptarëve. Solli në krye një grusht hajdutësh që kohërat nuk i kanë njohur kurrë. Çdo vit i zhyti shqiptarët në varfëri. Pensionet u ngrinë, rrogat u ngrinë. Çmimet u rritën me 200%, sofrat u përgjysmuan. Të rinjtë morën rrugët e dheut“, tha Berisha në Dibër.
