I frikësuar se mund t’i kthehet në bumerang votash kundër tij, kryeministri Edi Rama 1 javë para zgjedhjeve e ka dredhur qëndrimin e tij referuar etiketimit si “çyryk” për burrat shqiptarë.
Rama i ftuar në emisionin “Review” në Euronews Albania tha se fjalën “çyryk” e ka përdorur me batutë dhe e ka përdorur politikisht.
Në të njëjtën mënyrë Rama tha se ka përdorur edhe fjalën “autizëm politik” për të cilën kërkoi falje pasi një nënë u ndje e ofenduar.
“Unë nuk kam etiketuar burrat si çyrykë. Unë kam thënë për të ndarë Shqipërinë në BE nga këneta. Unë kam thënë që ne kemi 56% të grave dhe vajzave që na mbështesin, për mua është vlerësimi më i madh i mundshëm. Te burrat diferenca është më e ngushtë, dhe unë kam thënë që mbështesin kënetën sepse janë çyrykë. E kam thënë me humor, me humorin që është më shumë se gjysma e të vërtetës dhe e kam thënë politikisht, askush nuk duhet ta marr personalisht”, tha Rama.
