Kreu i PD-së Sali Berisha po zhvillon këtë të diel një takim me qytetarët në Mirditë, në kuadër të fushatës elektorale.
Në fjalën e tij, Berisha tha se nga viti 2007 deri në 2014 Shqipëria ka pasur rritje të popullsisë, më pas ka pasur një largim masiv.
Berisha: “E vërteta është kjo, që deri në vitin 2014, nga viti 2007 deri në vitin 2014, Mirdita, Lezha, Shqipëria u rrit në popullatë nga viti në vit, sepse kishte shpresë se Mirdita bëhet, se Shqipëria bëhet. Se i riu dhe e reja mund të realizonin ëndrrën e tyre shqiptare, ëndrrën e tyre mirditore. Më pas, nga 2014 deri më 2023, u larguan aq shumë shqiptarë nga Shqipëria, sikur të ishte një luftë. Sepse u “vranë” nga mungesa e pasigurisë dhe shpresës”
