Një aksident i rëndë automobilistik është regjistruar paraditen e kësaj të shtune në Vlorë.
Autoritetet raportojnë se shtetasja A. A., rreth 35 vjeç, duke drejtuar automjetin tip “Renault”, dyshohet se ka humbur kontrollin mbi drejtimin e mjetit dhe makina ka dalë nga rruga duke rënë në lumë. Ngjarja ka ndodhur rreth orës 10:40, në fshatin Lepenicë.
Si pasojë e aksidentit kanë mbetur të plagosur shoferja 35-vjeçare, së bashku me dy fëmijët e saj, me të cilët po udhëtonte me makinë. Të tre të plagosurit janë transportuar në spital dhe ndodhen nën kujdesin e mjekëve.
Policia thotë se grupi hetimor po kryen veprimet për zbardhjen e plotë të rrethanave të aksidentit.
