Ndryshimi i ligjit për ish-bashkëpunëtorët e sigurimit të shtetit u shoqërua me rritjen e kërkesave për verifikime nga pushteti vendor. Por e kundërta ka ndodhur me partitë politike që tashmë janë në kulmin e fushatës elektorale. Mësohet se për këtë forcat politike kanë marrë në dispozicion formularin përmes të cilës mund të kërkojnë verifikime.
Megjithatë burimet thanë se vetëm 8 kandidatë kanë dorëzuar dokumentin. Madje edhe ata u përkasin partive të ashtuquajtur të vogla që janë përfshirë në garën e 11 majit.
Të drejtën për të bërë këtë transparencë e kanë të gjithë konkurrentët e lindur para vitit 1972.
Megjithatë ashtu siç edhe raportohet nga autoriteti i dosjeve, vetëm në vitin 2024 u konstatuan 13 zyrtarë në institucione që kanë qenë bashkëpunëtorë të sigurimit të shtetit. Madje ata kanë pasur një certifikatë të pastërtisë të dhënë nga komisioni Mezini Bezhani, por problemet u konstatuan pas riverifikimit në zbatim të ndryshimeve ligjore.
Mësohet se pesë prej tyre kanë qenë ish deputet në parlamentin shqiptar.
Prej 35 vitesh mes partive në shqipëri zhvillohet debati mbi hapjen e dosjeve, madje nuk kanë munguar as akuzat se deputetëve u bëhet presion përmes përmendjes së pseudonimeve që mund të kenë pasur, apo rolit të tyre gjatë drejtimit të shqipërisë prej qeverisë komuniste./Ora News
