Reshjet e shiut që kanë përfshirë vendin gjatë orëve të fundit kanë sjellë probleme në qarkun e Gjirokastrës
Në veçanti, në segmentin Kardhiq–Delvinë pranë tunelit të Skërficës, janë regjistruar rënie gurësh dhe materiale të tjera në rrugë.
ARRSH apelon që drejtuesit e automjeteve të udhëtojnë me kujdes të shtuar, në këtë aks si dhe në Tepelenë e Nivicë duke qenë të vetëdijshëm për terrenin e lagësht dhe rrezikun e rrëshqitjeve të mundshme.
Situata pritet të mbetet e vështirë deri në përmirësimin e kushteve atmosferike.
Njoftimi i ARRSH
Apel për drejtuesit e mjeteve
Në qarkun e Gjirokastrës kanë filluar reshje shiu me intensitet të lartë, ku është raportuar edhe rënie gurësh, në disa akse rrugore si: Skërficë, Tepelenë dhe Nivicë.
Autoriteti Rrugor Shqiptar u bën thirrje të gjithë drejtuesve të mjeteve:
Ulni shpejtësinë
Mbani distancën e sigurisë
Shmangni frenimet e papritura
Udhëtoni me kujdes!
