Adriatik Lapaj tha nga Durrësi se nëse më 11 Maj triumfon e vjetra, Shqipëria do të shpopullohet edhe më shumë.
Lapaj thekson se jemi një vend i pasur, por i vjedhur dhe kërkoi mbështetje për koalicionin “Nisma Shqipëria Bëhet”, për të treguar se çfarë dinë të bëjnë, ndërsa u zotua se do të ndryshojnë atdheun.
“Ju kërkoj të na mbështesni se kjo që po bëjmë është një nevojë kombëtare. Kjo që po bëjmë është një betejë për ta kthyer Shqipërinë në rrugën e duhur. Nëse më 11 maj triumfon e vjetra, vendi do të shpopullohet edhe më shumë sepse shpresa do të jetë vrarë.
Jemi një vend i pasur, por i vjedhur. E duam mbështetjen tuaj për të sjellë shpresën, sepse ka shpresë. Prania juaj tregon se ka shpresë. Forca!
Mos harroni se aty ku nata është më e errët, agon mëngjesi i ri, jeta e re, e ardhmja.
Ju kërkoj nga ky shesh të na mbështesni, të na jepni shansin të tregojmë çfarë dimë të bëjmë! Të ndryshojmë atdheun tonë.”– tha Lapaj.
