Një nga ndeshjet më të zjarrta të javës së fundit në Superiore është mes Skënderbeut dhe Bylisit. Ndeshja po luhet në Korçë prej orës 15:30.
Fillimisht në avantazh kaluan miqtë, teksa vendasit kanë rikthyer baraspeshën në minutën e 14-të. Pas një harkimi nga e majta e sulmit, Bismark me kokë tund rrjetën.
Dy gola të shpejtë janë realizuar dhe në Shkodër teksa Vllaznia ka barazuar ndaj Laçit. Bekim Balaj shënoi për shkodranët, një realizim ky për trofeun e Këpucës së Artë.
