Kreu i PD-së, Sali Berisha ka akuzuar ministren e Infrastrukturës, Belinda Balluku, se pavarësisht se ishte kishte detyrë ligjore të kontrollonte punimet për inceneratorin e Tiranës, në 5 vite s’bëri një raport.
Berisha theksoi se “Lubia s’bëri asnjë raport sepse e dinte që paratë i merrte bosi i saj, Edi Rama dhe Erion Veliaj”.
Ai theksoi se me inceneratorin e Tiranës janë zhdukur pa nam e nishan 130 milionë euro, pavarësisht se nuk ekziston asnjë tullë në themelet e tij.
“Ka provë më të madhe se djegësi i Tiranës, 130 mln euro të zhdukura pa nam e nishan, nuk ekziston asnjë tullë në themelet e tij.
Dy drejtorët që shkuan në gjykatë, shkuan se kanë firmosur letrat.
Kurse Lubia, që kishte detyrë ligjore të kontrollonte punimet, të bënte raportin dhe të njoftonte çdo muaj për ecurinë e punimeve, nuk bëri në 5 vite asnjë raport sepse e dinte që paratë i merrte bosi i saj, Edi Rama dhe Erion Veliaj.
Pastaj del e flet me vete, e thotë ‘a ka dëshmi që del e më akuzon mua’“, tha Berisha.
