Politikanët po shfrytëzojnë çdo ditë të fushatës me tubime, takime derë më derë, spote, ftesa në rrjete sociale, çdo hapësirë nga ku mbajnë edhe fjalime të vazhdueshme me gjuhë të cekët elektorale sipas akademikut Artan Fuga.
“Kjo fushatë deri tani është spektakolizuar. Ka shumë nota të cilat duken në pamje të parë të sipërfaqshme shpeshherë të mbështetura në shkëmbime batutash edhe formula që marrin ndonjëherë dhe përmasa komike”, tha Fuga.
Arsyet pse liderët e subjekteve zgjedhore kanë zgjedhur këtë mënyrë komunikimi në këndvështrimin e profesorit karakterizohet nga mosthellimi i arsyetimit politik me qëllim viralitetin.
“Ka një mungesë komunikimi serioz me elektoratin. E para vjen për shkak se informacioni është fragmentarizuar shumë sidomos me anë të reels apo elementëve të tjerë që del në rrjete sociale, informacione që janë 60 sekonda, 120 sekonda. Unë mendoj se politikanët kanë kuptuar një gjë që për të pasur shtrirje të mesazhit të tyre, mesazhi duhet të jetë sa më mediokër. Si dhe klasa politikr shqiptare ndodhet para disa transformimeve të mëdha në gjropolitikën dhe ekonominë botërore për të cilën sk asgjë çfarë të thotë e në vend të hesht sigurisht thotë gjëra anësore dytësore që sdo të jenë problemet që do kemi pas 11 majit”, tha Fuga.
Shqetësuese për Artan Fugën është mbi të gjitha vota e diasporës, e cila krijon dy standarde votimi.
“Për fat të keq, vota e emigrantëve shumë të respektuar, shumë të dashur do të zhvlerësojë votën e qytetarëve në Shqipëri. E dyta mënyra si është organizuar votimi i emigrantëve është në kundërshtim me kushtetutën, me kodin zgjedhor, jashtë sekretit të votës, jashtë kontrollit që çdo njeri të votojë vetë dhe jam i bindur se këtu ka për të qenë thembra e Akilit e matjes së rezultateve e matjes së rezultatit të votimeve”, tha Fuga për Top Channel
