Kryeministri Edi Rama ka nisur sot komunikimin me qytetarët në rubrikën “Sy m’Sy” duke u përpjekur të justifikohet me argumente absurde për gafat që ka nxjerrë nga goja gjatë kësaj fushate.
Pasi quajti burrat shqiptarë çyrykë që votojnë kënetën, më vonë iu drejtua atyre si autikë në mënyrë përçmuese dhe ulëse.
Edi Rama është “shfazuar” duke përdorur në kuptimin negativ autizmin, ndërkohë që pretendon se qeveria e tij është e ndjeshme ndaj personave me aftësi ndryshe dhe i ka mbështur ata.
Pasi e pa se situata i doli jashtë kontrollit, tashmë Rama po përpiqet të justifikohet me arysetimin absurd se dhe atë e ofendojnë çdo ditë kur e cilësojnë si kriminel e hajdut, sipas tij pa fakte.
“Në anë tjetër ka një dëshpërim të thellë që pasqyrohet edhe në kënetat e pasqyrës mediatike ku pretendohet se jetohet në një autokraci, ndërsa nuk lihet gjë pa thënë për mua, PS, qeverinë apo edhe vetë popullin.
Flitet për gjuhën time që paskam thënë e paskam bërë gjëra që askush nuk i bën, por cilat janë këto? Akoma sot nuk e kuptoj se në cilat nga gjërat që kam thënë kam bërë gjë tjetër veçse kam komunikuar hapur me publikun. Ka qenë vetëm një gjë për të cilën kam kërkuar ndjesë, që ka qenë një gabim kur kam folur për autizëm politik, term i njohur në literaturën politike dhe akademike. Nuk e krijova për të lënduar dikë, por me të drejtë prej disa kohësh konsiderohet i papërshtatshëm.
Ma gjeni dot një tjetër udhëheqës politik shqiptar që ka kërkuar ndjesë? Unë nuk e di të ketë ndodhur.
Si shpjegohet që këta njerëz të cilët çdo natë çfarë nuk thonë flasin me një gjuhë ekstreme, unë personalisht jam shënjestra kryesore, kriminel hajdut çfarë nuk thonë pa asnjë provë, vetëm dokrra e llafe.
E pi verën 33 mijë euro. Lëshohet një fjalë në rrugë, pastaj përsëritet e kthehet në akuzë.
Unë mendoj se në ato që them kur përdor simbolika merrem me thelbin”, tha ai.
