Janë mbi 50 raste emigrantësh që jetojnë e punojnë në rajonin Toskana që kanë probleme me marrjen o me dorëzimin e zarfeve me skedat e votimit.
Disa emigrantë në provincën e Pizës, Lukës e Firenzes, denoncojnë se pas marrjes së posta DHL e dakortësimit për dorëzimin e zarfeve të plotësuara, operatorët e saj nuk kanë respektuar datën e orën e tërheqjes së tyre.
Emigrantët thonë se prej ditësh telefonojnë numrin e kontaktit telefonik të postës DHL që ju ka ardhur në mesazhet telefonike o në adresën elektronike por nuk marrin përgjigje. Një operator automatik i regjistruar përgjigjet pa u dhënë mundësi të komunikojnë e të gjejnë përgjigje.
Në disa komuna të tjera të Toskanës emgirantët shqiptarë thonë për Syri Tv se po përpiqen të organizohen vetë për të gjetur pikat më të afërta të Postës DHL, por ka shumë emigrantë të tjerë që jetojnë në zonat më të thella e që për pamundësi kohe e largësie nuk munden ta bëjnë këtë, e zarfet me votën e tyre po u mbeten në shtëp.
Sinjalizohen gjithashtu se ka dhe raste që dhe pse mesazhi telefonik apo posta elektronike e ardhur nga DHL ka informuar se do të kalojnë për të dorëzuar zarfet, kjo gjë nuk ka ndodhur. Posta DHL nuk ka mbërritur e ata janë ende në pritje të marrjes së skedave të votimi.
Shqetësimi i emigrantëve të Italisë është se e drejta e tyre për të votuar në zgjedhjet e 11 majit po has pengesa konkrete me riskun se nuk do munden të shprehin në kohë votën e tyre./ Syri
