Një tjetër aleat i është drejtuar zyrtarisht me kërkesë Komisionit Qëndror të Zgjedhjeve për t’u larguar nga koalicioni “Partia Demokratike – Aleanca për Shqipërinë Madhështore”, e drejtuar nga Sali Berisha, për zgjedhjet parlamentare të 11 Majit.
Bëhet fjalë për Partinë Ora e Shqipërisë, e cila drejtohet nga Zef Shtjefni. Ky i fundit në shkresën e depozituar në KQZ thotë se koalicioni ku ai bënte pjesë nuk ka funksionuar asnjëherë.
Më tej, ai renditet dhe arsyet e largimit, të cilat janë mosfutje e emrit të tij në listën e hapur të kandidatëve, si dhe që nuk e kanë ftuar në fushatën hapëse apo në takimin e aleatëve.
“I nderuar Z.Kryekomisioner! Ju njoftoj se Partia Ora e Shqiperise ne Kualicion me Alencen per Shqiperine Madheshtore nuk ka funksionuar qe diten kur eshte firmosur marreveshja! Aleanca per Shqiperine madheshtore nuk ka future ne listen e hapur Kryetarin e partise, nuk ka ftuar Partine Ora e Shqiperise ne hapjen e fushates elektorale, por Kryetari I partise mori pjese I pa ftuar ne takim. Sot ne takim me partite e koalicionit nuk e fton Partine Ora e Shqiperise ne takimin e rradhes! Ne keto kushte, kjo Aleance ka shkelur marreveshjen me Partine Ora e Shqiperise, prandaj kerkojme largimin nga ky Koalicion qe nuk respekton marreveshjen me aleatet e tij.” – shkruan Zef Shtjefni.
Kujtojmë se më parë nga koalicioni janë larguar edhe Aleanca e Maqedonasve për Integrim Europian e drejtuar nga Vasil Sterjovski dhe Partia Bashkimi Popullor i Pensionistëve e drejtuar nga Selami Jenisheri.
