Forcat “Operacionale” të Policisë së Shtetit kanë arrestuar një të ri, i shpallur në kërkim ndërkombëtar nga autoritetet italiane.
Në kuadër të operacionit të koduar “Operacionalja 38” është vënë në pranga shtetasi Erbin Nazeraj, 24 vjeç, i cili është kapur në fshatin Cakran të Fierit.
Autoritetet raportojnë se i riu ishte në kërkim ndërkombëtar, sepse Gjykata e Apelit në Gjenova, në vitin 2024, e ka dënuar me 6 vjet burgim, për marrëdhënie seksuale me dhunë, për keqtrajtim dhe për vjedhje.
Interpol Tirana po bashkëpunon me homologët në Romë, për të finalizuar ekstradimin e Erbin Nazerajt në Itali.
