‘Nisma Shqipëria Bëhet’ ka reaguar në lidhje me ngjarjet e rënda që u shënua mbrëmjen e djeshme në vendin tonë, ku në Lezhë u ekzekutua me armë zjarri 64-vjeçari Gjovalin Prendi, ndërsa në Tiranë katër të rinj u plagosën me breshëri armësh.
Përmes zëdhënësit të fushatës Ferdinand Dervishi, ‘Nisma Shqipëria Bëhet’ shpreh shqetësim mbi gjendjen e sigurisë që po përballet vendi, ku sipas tyre krimi është i lidhur me pushtetin.
Dervishi thekson se në rrugën që çdo ditë kryeministri Edi Rama kalon, 4 të rinj ranë pre e një atentati të rëndë.
Deklarata e plotë:
Njoftojmë Kryeministrin se gjatë mbrëmjes së djeshmë në Lezhë dhe në Tiranë kanë ndodhur dy ngjarje kriminalë që kanë shkaktuar terror mes shqiptarëve.
Në i vrarë dhe 4 të plagosur në dy atentate të përgjakura me shumë gjasë të lidhura me njëra-tjetrën treguan se krimi këtë radhë veproi me staturën e një organizate mafioze duke tentuar të shfaroste një familje të tërë.
Zoti Kryeministër, atentati në Tiranë ka lënë të plagosur katër shqiptarë, mes tyre, në pikëpyetje për jetën, paraqitet jeta e një fëmije.
Lajmet e kronikës thotë se krimi kishte ngatërruar shënjestër.
Ndërsa ngjarja ka ndodhur në të njëjtën rrugë ku ju zoti Kryeministër kaloni përditë me familjen tuaj.
Mund të ishte lënduar familja juaj dhe e çdo shqiptari.
Ku e keni Policinë e Shtetit në parandalimin e krimit Zoti Kryeministër?
Ku e keni ministrin?
Apo i keni lëshuar të bëjnë fushtatë?
Ndërsa shqiptarët le të hanë kokat, siç keni dëshirë të mallkoni!
Ne e dimë që Policinë e Shtetit e ke ndarë përgjysmë me krimin.
Ne e dimë se i ke kërkuar KRIMIT dhe ta kanë premtuar se nuk do të prishin punë duke u marrë me krime.
Këtë e keni kriminalisht gabim!
Në asnjë vend të botës nuk ka funksionuar ndarja e pushtetit me krimin.
Në asnjë vend të botës nuk ka funksionuar marreveshja POLITIKË – KRIM për të mos i prishur punë politikës.
Kush mban përgjegjësi për këtë gjak të derdhur zoti KM?
Kujt duhet ti rëndojë ky gjak?
Zoti të shpëtoftë nga mëria dhe mallkimet e e shqiptarëve!
Në emër të Koalicionit NISMA SHQIPËRIA BËHET kërkojmë dorëheqjen urgjente të ministrit të Brendshëm!
Kërkojmë që Policia e Shtetit të mos përdoret për fushatën por të zbatojë misionin e saj per ruajtjen e rendit publik.
