Një aksident i rëndë automobilistik është regjistruar mëngjesin e kësaj të enjteje tek Ura e Tapizës në Krujë.
Autoritetet policore raportojnë se automjeti i drejtuar nga shtetasi V. Z., 33 vjeç, është përplasur me mjetin që drejtohej nga shtetasja L. M., 69 vjeçe. Si pasojë e aksidentit, ka humbur jetën në vendin e ngjarjes shoferja 69-vjeçare, pas përplasjes së fortë të dy mjeteve.
Ndërkohë, bëhet me dije se drejtuesi tjetër i mjetit, shtetasi V. Z., është shoqëruar në komisariat për veprime të mëtejshme, ndërsa grupi hetimor po punon për të zbardhur rrethanat e plota të aksidentit.
